ودعت واستغفر الله هزني ذاك الوداع
هز بضلوعي بقايا ولا هقيت يهزني
ليتها مارافقتني وقصرت درب الضياع
وخلت الحسره تروح وبالعذاب تحطني
ما قدرت اقنع خفوقي ولو قدرته كان طاع
عيت الدنيا تطاوع وبالحظوظ تردني
ليت قلبي ما تولع في هوى زين الطباع
ماخذ فكري وبالي وبالمحبه شدني
شد فكري في جماله يوم ناظر ثم ضاع
نظرة حست مشاعر بالموده تعتني
وعذاب القلب منها يوم جرح بالاوجاع
ليت يوم انه بلاني بالمحبه حبني
للبحر كبوه لمنهو قد تهاون بالشراع
يدفعه موج المحبه مثل ماهو دفني
دارت الدنيا وجتني بالحزن دون المتاع
دمعت سالت جريحه وللجروح تحدني