يا الله بِسْـمك يا كريم أتبهل = بالعـــدل قايم للعمل ميزانه
انت المكمَل فرد وانت الأول = أنت القوي فوق القُوى سلطانه
حُكمك منفذ حق ما يتعدل = ولا طلب من مشتكي برهانه
شاهد وحاكم بالقضاء ما يختل = ما ظالم أدى من يده بنانه
يا منصف المظلوم لا تحنقـل = في حبلك أنصفته من الغُبانه
تستنكر الباطل ولو تمهَـل = وتقسم الظــالم على الخيانه
يا الله بحق المصحف المرتـل = وحق حقـك يا عظيم شانه
يا حي يا قيوم يا مجـلل = و بِسْـمَك الفــرد الصمد سبحانه
وبالنبي المصطفى المفضل = مولى الرسالة صاحب الأمانه
عَجل لهذه المشكله يا الله حل = يا من غمر خلقه بجُود إحسانه
ومن شحن بين الصفوف او عرقل = تقطع بسيفك يا صمد لسانه
وفالمقاصم مــرقده يتفصل = ما يصبــح إلا فالـكفن مــلانه
بحق من سَبـح وبسمك هَلل = وحق من يتلوا ســـور قرآنه
شتت بشمل اهل الحرش تزقل = من راس شامخ عاليه ضيحانه
ولا تحرك عرق فيهم ينكَـل = إبحث على عرق أمتلى لعانه
وأمه وبنته والجويره تقـتـل = تهبا سَويح الزمرة الشيطانه
ولا مرة من منيته تغسل = تيبس على راس الجُباء جُفانه
ولا معه جاهل فياالله يخبل = قطع من أوساط الرُكب سيقانه
يا عاقل أنظر ما مضى وإتأمل = وإجعل حسابك ذي سَبق في خانه
من ذي طلع من ذي نزل من ذي شل = من ذي فتح بوابة المقرانه
عامر رحل بين التراب أتجندل = ولا بقى إلا الرسم في مكانه
وسار مُلكه ذي كسب وحصل = ما باقي إلا الله في كيانه
والعمر مثل الخيط فوق المغزل = والغر عاده يحسبه زمانه
يا ظالم إعدل لا تقع شي أهبل = لا بد ما تُضبط في الديانه
وكم يقع جهدك وكم تحمل= يوم الحساب النـــار والهيانه
يا الله أسالك بالهدى المنزل = على محمد في سور قرانه
إصلح لقيفــه كُل ما تعــطل = وحِقْها بالعز والصيــانه
واجمع بفضلك رايها المبهذل = وصَفها وإصلح لها البـطانه
يا من حفظ يونس وهو معقل = في بطن حوتي محتجز رهانه
بنور وجهك يا عظيم أتوسل= تصلح شؤون اصحابنا الفتانه
فرساني القوم التي ما تبخـل = ذي كُلمن تهتابهم فرسانه
قيفه وقيفة درعنا المثقـل = أهــل العوايد قومنــا المزتانه
ومن يرى قيفه عَوادي يذهل = سلاح جنبي لا حِمي ميدانه
رُماه لا باروت المدافع يشعل = وأهل السلاح الأبيض الطعانه
تاريخ قيفة من قديم أتسجل = ظـــاهر وطالع يا غبي بيانه
شُخب البَرَد لا قد قنيفه سَبَل= ما عـــاد أحد منه يكنن ضانه
ينَزل أصبار الجبل لا السِيـَّـل = والزرع حطه فالجرب لا اوطانه
وكم لقيفه من مضارب وإسأل = حيد البلق ذي ما ثلين أركانه
كم كسرت من ناب كمن نَصَـل = قد مَـد فوق الشاهقه طغيانه
وكم وكم صدت دخيل أدخل = واهبت جيوشه فاليـــمن وثرانه
حزم الطوارف بالرموز أتقفل = ما راغدة حربي تذوق أغصانه
حياهم إثنعشر مية مَيل أقبل = مشحون بالمشموم لا الترسانه
رشه على قيفه وحاذر تبخَـل = لا ما تسَـيّـل كل حد قمصـانه
والختم صلى الله عدد ما جَمَل = وحـــاط به عِلم الكريم وزانه
على رسول الله أفضل مرسَـل= الهاشمي سيد المرسلين اخوانه
والآل والأصحاب يا لله تشمَـل = والأنبياء والرُسل تغشى ابدانه
القصيدة الثانية *//// وهي جواب من :::
الشاعر */ احمد علي الربيحي
يقول فيها :::::
يا الله بَسْماك الكرام اتوسل = تسعه وتسعين إسم في بيانه
إسمك كُتب في كُل سوره لَـوّل = وبك تغنى الطير فوق أغصانه
ولا ملك إلا ومُلكه يُكمل = يوم أنتهى قيصر رُفع صيوانه
المُلك مُلكك يا ملك يا مُفعل = ذي كَون ارضه والسماء بكْوانه
يا من رزقت الكافر الممهل = أهديتنا نعمل عمل بتقانه
خير العمل بتقان من با يعمل =يعامل الخلاق بالديانه
ويحمدك عبدك على ما حصل =وانت القوي ما تطلبه ضمانه
الحمد لك لا يحتصي أو يُكمل = إلا لكاتب خالقه وأعوانه
وِن حان شهر الصوم يا صايم صل = واطلب من الله يمنحك غفرانه
يقول أخو عبده دخلنا المحفل = من أجل راس الغول ابو غيلانه
مولى القلم ذي حبره ألصى المشعل = وثبت النيران والدُخانه
ذي لمْها يوم الشُغَـل من كَوفل = من عند ابو هاشم خبير أزمانه
والجَرم ما سَهل وجاوب بَلبَل = قبل المشاكل شُكلت لِجانه
وأتوسطوا والحُمدني يتخايل = وإبليس متجهز على حصانه
لا ما قرح يوم البلاء يوم أشعل = وأتجاوبت فالدُور كمن دانه
وغارت الدولة وقدَم( هترل ) =والأمر صادر من رئيس أركانه
وألقى المناسح من وصلها هَشل = وكل حصن اتحطمت حيطانه
وراح مكسب كُل مهدي كَلكَل = لجل الصفي والسيده مرجانه
والمقيفه من قَندها المعسل = راحت قفا شهر العسل عَفانه
يا ذي قريتوا رقْـمها المسلسل = من ذي على وضحة عَقد قِرانه
يا للأسف يالقايد المكمَل = ذي كنت فارس قومك الهجانه
ومن قُتل من صفنا يتسجل = لك شَيْك قابل دفع فالخزانه
وانته على دَعج المُقل تتغزل = ومن قُتل ما يتعبك فقدانه
من حَل حَل او من رحل له يرحل = قد الحَنج راكب معك فالخانه
شف من وَلَغ بين الدماء واتوغل = وجار واتباهى على طغيانه
ذي ما يقايس خرجته فالمدخل = ما يدري إلا واخوته عدوانه
واليوم يا خو سيف ما عاد أخبل = قد أهل مهدي كُلها فهمانه
قد ماضي السبع السنين أتحول = كُلاً ملاحظ موقفه وثرانه
يا ما شربنا مُرها والحنظل = وانت العسل يهناك في كيسانه
يا كم وكم كَلْنا لُقم ما تُوكل = والبر لك والزين من خرفانه
يا كم تحدتنا الجيوش الجحفل = وانته على التايوته الفنانه
لو كان غيرك لا يقوم معقل = لو باع ما حَصَل بَخَس أثمانه
كُنا نوارد بالقرب والجركل = من ماء ملوث مدمنه ديدانه
واليوم غزالات وارد لَــحـوَل =فالثانيه تدفع ميات أجلانه
بفضل من ضحى وناضل وأبذل = ومن بقي قَدم لهم عرفانه
غبتوا وغاب الماضي المكبل = الله لا رده زمان او كانه
با أصارحك بالصدق مهما تزعل = لِن الصراحه كتمها جَبانه
يا صاح شف ما ينصحك من جامل = هو الذي يستاهل الإدانه
لو عاد قيفه قبيله تـتـقـبـيـل = والديوله دوله لها هِيمانه
كان اللِجان الفرعيه تتشكل = من شط بيده رقعوا بدمانه
ونسأل الله إن دُعاكم يُقبل = على دُعاة الشر والمفتانه
عساه يسمع ربنا ونَزَل = عَقوبة الظالم على وِلدانه
ذي مَــد خيط الكهرباء ذي واصل = للحرب لا ما وَلَعت نيرانه
لا ما وقع بين العِوَل لَطم أشيَل = وكُل حد جَهز جميع إمكانه
وغار جيش أسلم وسالم سَهَل = له سبع خُلَع والدماء شَـنانه
وأجتاح كمن شاب لا يتمثَـل = ذاق الفناء والموت قبل أحيانه
وأولاد كمن نابغه وهيكل = عَزتهم الدوله من الإهانه
ذي خَلوا أوحاش الفلاء تتواكل = ولحَموا كُحلان من جحانه
والرايد الشايف يُبا يتجمل = يزاور المسجون لا الزنزانه
الله لا عاده وكيل اتوكل = من يوم جاء والعيب تحت أدوانه
والآن يا نادم على ما قد زَل = ما راعي إلا من رعى حِشوانه
شفنا خطابك بالمداد البركَل = وقلت حيا ما حَوَت قيفانه
حيا على لِسْن الجيوش الكُهَل = ذي من كسبهم ما نقص ميزانه
وذي فَرقهمه خسر واتكنسل = والناس تتفرج على خُسرانه
مهدي وعياشي ضلوع الجَومَل = والمنبهي والشاهري واخوانه
وابن الصراري ذي نهض وناضل = كمن غضنفر لَبسوه أكفانه
حَيَواْ بمن عَل القبايل وأعتل = واتناجمت كَل العلل من شانه
ذي أمرض العِلا وعَل السَُـفَـل = لا ما قتلهم قتلة الغُبانه
قتله على كذبة خبر لا يُعقل = ما كان في ظنه ولا حسبانه
يا ذي رضيتوا فالصحب يتفعَل = لا بد ما يجتاحكم بُركانه
إن الصَحَب يا خُوك لا يتبدل = يا ذي خربتواْ قاعدة عِمدانه
والصاحب الفَسْـل الذي ما باسل = ما قُلت حيا به ولا بــعْـوَانه
قد أستمع حرب الجبل لا حِريَل = واوحَوه لا الميثال والعَلانه
وذي قفا هَيوة بَدَا لا مَوكَل = وبعد ما اوحى الحرب سَد أذانه
وأهل المشيريف ألتَهَواْ بالمَقيَل = والماضي أتناسوه يا شِيبانه
إن الوفاء لا يضمحِل او يرحَل = و إسئل رَمَم با تخْبرَك ضهيانه
يوم المدافع لا القُرى تتراسل = من فجر لا مغرب وهي دنانه
كُلين يا عَولة ربيع اتنازل = وألقيتواْ المهدي في الجدّانه
واليوم من جاء بالطلي يتجمل = قال أهل مهدي يا ذهب غلطانه
وإحنا ثَبتنا لعن أبو ذي يفسل = وإلا تغلَى الدم وإلا صَانه
بل كُل مهدي رد والطعن أشيَل = واثبت وجوده يشهدوا غِلمانه
فالسَهل في تل الجبل فالمَرحَل = في طُور ذي غالب على غُزلانه
يا قيفه أصبار الحيود الصَندَل = من ضم حَبه ما وِقز مخزانه
مَن ذي ربح منكم في المحصَل = آفا عليها مِهرة الخيانه
درتوا رحاها فالدَبَل والسَنجَـل = واوقزتوا المحصول في مجرانه
لا ما تخلط حَبكُم والقرعل = أعمى يُبا يشرف على بستانه
ولا معى مهدي جَني من فيصل = ولا من الشيوعي ريال او عانه
نأبى العماله ماضي ومستقبل = ونأيد الميثاق وإستبيانه
إحنا أُباة الضيم يا مغفل = مهما مدير الأمن حَك أسنانه
إن البطون الفاضيه لا تقبل = باطل منو مغرور في جنانه
كُحلاني الحقْات لا تكحَل = يخفي حقوق الأمن تحت أجفانه
يا عبدرحمان الطلي لا يطوَل = وإنك تزور السجن يا سَجانه
لا انته عَوين الصدق فِخزاء وأخجَل = من الأمين العام كيف إعلانه
حق المواطن لا يضيع او يُهمل = وأعراض خلق الله تُبا صيانه
إحنا حُماة الحق لا نتنازل = وذي عرفنا الزَيْد من نقصانه
من ذي رَقَص من ذي زَمَل وطب ل= من ذي فتن بين أسرته واخوانه
من ذي بهم بين القبايل وَعَل = ما ينفع النادم كَبوب أحزانه
من ذي دفن بين التراب الكيبَل = لا ما افترق برمان من برمانه
هذا وشُفنا ما نـُبا شي نُخمَل = مهما الوَصي وشلته غلطانه
من قال قد دستوركم تعدل = كذب ولحية ذي غلب مُصانه
ما دام عادك ذي تهز المِعوَل = والشر في قلبك خِبا سِنانه
والروس تحقاها رصاص الجرمل = والشِرْف والرشاش من خَزَانه
كم جَيْب جابتها قرون النيكَل = وصابح الشاصي على الكَمانه
والختم صلوا ما رَعد وسَيَل = على محمد كامل الديانه
مولى الجَبين الأبلج المكحَل = ذي أسس الإسلام وارسى أركانه
عِداد ما صَلى وضم وسربَل = واذن وهَلل وابتهل بإذانه
هو ذي عِرج فوق البراق أتجوَل = وكَلَم الرحمان من لِسانه
منقول مع خالص تحياتي للاخ الشاعر ابو نهبل الذي قام بتنزيل القصيدتين