قال الرباعي خضر سالم كبدتني بلكبتشني
انا بحافظ على العملة ونتي بسبعة كبدتيني
صرف البيس عندنا عادي لكن لماذا تغشيني
وحرمتني من غدا بكرة ومن صبوحي حرمتيني
لوكان مديت لي يدش وقلت لي قوم مشيني
قدكنت بصبر على رزقي وعين لما تعشيني
ماشي شبعنا من القهوة ماهل فلوسي كبدتيني
ومسيت خسان من جيبي لكن بدحشة دحشتيني
ماجيت راغب في القهوة ولكن اننتي دعيتيني
سهمك جرحني ويقتلتي مقتول ونتي قتلتيني
خليت قلبي بيترنح ذي مثل دوكي ذبحتيني
قدكنت داخل جبل يافع سافع ولكن سفعتيني
وقالت اسكت كظم لقفك وقلت مالش كظمتيني
لاتمنعيني انا احذالش لاتمنعيني قبرتيني
ياليتني خبز في يدش ولاعصيدة عصدتيني
ولاحقن داخل الدبية معدوش ونتي عدشتيني
يا قرع ياقاش يادهنةيسمن دهنة عجبتيني
اموت فلقرع والقاشي وحبحب احمر فدجتيني
قالت ويش الحقن ويش كلمة فدجتيني
وماهو القاش والقرعي وظح كلامك ومشيني
وقلت مالش كذا مالش مالش على ذة ربشتيني
احنا بنتكلم الفصحى ونتي لمة ما فهمتيني
القاش بنصلحة منشع والقرع دبية فديتيني
والجحف للسمن والقمة باضيفش لاعزمتيني
يابوي محلى المذر حالي لما بتكتع كتعتيني(المذرالمحواش)
والدخن في ارضنا يزرع يادخن جيشا جهشتيني
قالت تكلم على مهلك لاتخلط الشين بشيني
ياجحف يادخن يامنشع غشيت عقلي وتهشيني
فقلت الله لاجابش خفي عليا حسبتيني
ماقط عليا حد اتكلم كلام جارح جرحتيني
ولان مفروظ نتعرف مادام ماشي عرفتيني
انا يماني ومتغرب الله معي لا ظلمتيني
وبدوي اهبل ومتطرف لاتمدحيني وترشيني
والاصل من يافع الكلبة باخسرش لاخسرتيني
ونتي ذليحين قولي لي من فين ذا الساع جيتيني
وايش هذ الدع كلة والحسن هذ سحرتيني
ان كان اصلك سعودية بسيط لنتي هبرتيني
قدني معش داخل العزبة حتى برشاش رشيني
انتي كفيلي وانا عندش دومي عليا وبيعيني
اورحليني على كيفش ولااعشقيني وخشيني
مادام والمال في يدش وفتطور سبقتيني
باجيب بافع وعقالة لاتحت رجلش دفشتيني
معروف ياغع وعقالة في كل دولة سمعتيني
والناس بتخاف من يافع حتى مريكن بتخشيني
واليم ناريخنا باقي في باب صنعا كتبتيني
اليافعي (*** )في صنعا ونتي بكلبة وصفتيني
قالت وهل عندكم دولة وحكم ذاتي بلاشيني
ماشي سمعنا ولاشفنا فلخارطة اسمك الشيني
وقلت شلك عسى شلك على يفاعة كرهتيني
يافع كبيرة ومشهوره حتى ولنتي شطبتيني
وكل واحد معة بندق وجنبية لادحشتيني
محدعلينا بيتحكم لنتي ولا امش حكمتيني
قالت عسى ربنا يستر يشفيك ربي ويشفيني
قدهم مجانين ذي مثلك وبدوية بنت حاكيني
عدل سابقا من قبل صالح الحنيني في الإثنين 11 مايو 2009, 7:56 pm عدل 1 مرات