قصيده للشاعر محمد مسعد زين حسين روبان وهي قصيده قديمة تعود
الى قرابه المائه عام
الى قرابه المائه عام
حنيت لاحن حانـي لاحـن اغصانـي==لاحن من غير عاني قالـوا اهلـه راح |
وانا بغفوه وصـل ذي جـا وصحانـي==من راس حيد الدرك يابوه ذا المسراح |
صحانـي النـوم وانـا كنـت غيانـي==صحيت بااكعاب مثل الـورد والتفـاح |
يامرحبـا ياشقـر لحجـي وصنعانـي==ذي لافعلته بجيبي طـول يومـه فـاح |
مطلـه ابقـاش هيـا ردي الحـانـي==بالله عليش بامطلـه وقعـي مطـراح |
بااتخبرش عن بني عمـي وجيرانـي==كم زاد بقى الوجع منهم وكـم ذي راح |
لكن سئلتش بواحد ليـس لـه ثانـي==اخ الحلب هو يجد او خاف اخي قد راح |
محمد امكن مكانـك خـل لـي حالـي==اخـوك فاالعافيـه لاتكثـر الصـيـاح |
وان شي معك له دراهم كدهـن ناهـي==عن مركب الميج سافر ضو فجـره لاح |
الله يعافيـش لـي مـادام متعـافـي==اما من الجوع قـد تـم الغنـم ذبـاح |
واشكي عليش ان هو من قادم اجفاني==هو ذي طردني ونسح لحيتـه نسـاح |
نسيت ماخبرش مـن قفـل صنعانـي==قفل فـؤادي وخبـى عنـده المفتـاح |
الخـل لازدت اريـتـه لا ولا رانــي==البعد حاز الجفا والدهـر لـي مكـداح |
محمد اسمع حديثـي كـون فهمانـي==كم لعني اصبر عليك وانسحـك نسـاح |
اما عن الخل عنـه فاالمرتبـه عالـي==واما سقال العرس عن قد سقالـه راح |
والقوقبـه يامحمـد مرهـا سـانـي==ولا تعـول علـى ماجـا وماقـد راح |
معنا عرس ياولد قـد سـوه دوعانـي==البـر واللحـم مامثلـه ولا الـذبـاح |
وزيد رويـك هانـا اغصـان ريمانـي==جعده بجنبه حلق قد ذحذحـه ذحـذاح |
اما عن اغصان قلتـي ياحلـى حالـي==او ياعنـب فـي مـراوز ذلحـه ذلاح |
الله يغويش يـاذي علمـش اغوانـي==قولي لنا الصدق لاقـد طيننـا مربـاح |
والله والله موجـت بحـر غصـانـي==لو شوف عنده خيانه لاذبحه وارتـاح |
وانا مشيخ ولي لـو كـد لـه جانـي==واشوف نفسي معه يوم اللقـا ترتـاح |
ساكن بيفرس وراكب مهـر حجلانـي==ولا اشتي الا حبيبي ياعسـل الاجبـاح |
بيت العجي والله انـه حربهـم ثانـي==مثل البوش يوم تعدي لقطوها ارمـاح |
وسيلهـم لانـزل قـد طفـح الـوادي==شلـى المجلـع ولمـا طفحـه طفـاح |
بعدي عول من عيال شيبـي وروبانـي==رجـال ذي لاتشـد الحمـل للمنظـاح |
والان باودعـش لان علمـش ابكانـي==مدي جناحش جناح الحـوده المطيـاح |
عدل سابقا من قبل صالح الحنيني في الإثنين 29 سبتمبر 2008, 5:37 pm عدل 1 مرات