الطير لاكسـرت جنحانـه يطيـر؟

الطير لاكسـرت جنحانـه يطيـر؟***هـذا السـؤال الـلي يـدوج بالخفـا
ماهمنـي مابعـد هـذا وش يصيـر***الي حصل في صفحه الماضي كفـا
مابين خـوف الله وتأنيـب الظميـر***ماخاب اي شخصن لوجـه الله عفـا
انـا السفيـر الـي يدورلـه سفيـر***وانـا الوفـي الـي زمانـه ماوفـا
شفت الزمن لبسني الثـوب الحريـر***وثوبـه يبنجنـي لطعنـات القـفـا
ماعاد ابي ثوبه وابي ثـوب الفقيـر***الـي احـس بلبستـه ستـر ودفـا
اسهـل مابالدنيـا برستيـج الاميـر***بس المصيبه لـو بعـد نـاره طفـا
من عاش وقتـه لايجـار ولايجيـر***محـدن بداري بـه مشـى والا لـفـا
والكلمه الـي حدهـا حـد الشطيـر***لاقال شخصن تحسب حسابه افـااااااا
يااااااكبرها كبراه في عين الكبير***وياصغرهـا للـي بمرجلتـه هفـا
الحمل ماشاله سـوى ظهـر البعيـر***الـي تبيـن فـي مواطيـه الحـفـا
البارحه تقريب فـي حـزة عصيـر***كنه خفوقـي قطـن فـي دار السفـا
طرا علـي الحـب الاول والاخيـر***الـي معلقنـي علـى جسـر الجفـا
وش هو سبب هالصد والدنيا بخيـر***ليتـه مأكـد صـدتـه والا نـفـا
ماني بناقص هـم تكفـااااا يالعشيـر***جفنك ينـام وجفـن غيـري ماغفـا
ابك انت غير وغيـر اي والله غيـر***لوهو صفا جـوي بدونـك ماصفـا
لاكن خذ الشرهه وانا اخابرك كبيـر***ماهي تجيني منك يالغالي افـااااااااااا



عبدالكريم الجباري


عدل سابقا من قبل جارالله الحاج في الجمعة 24 أكتوبر 2008, 3:17 am عدل 1 مرات

مشكور اخي جارالله على هذه الابيات الرائعه وكلماتها المتناسقه في مدح الشاعر نفسه ومعاتبة الطرف الاخر