انا والهواء والشوق والحب في لغب=فيا شوق قلبي شوق والشوق يستجيب
مرادي سحايب صيف ذي تخمد اللهب=وتطفي وقيد النار بالجوف واللهيب
وياهاجسي هيهات حدث بلا عجب=فأنته رسول القلب والعقل والطبيب
وبسم الحواس الخمس ناطق ومنتدب=رفيق المهاجر ساحة الصفر ماتخيب
وياخير لي من ملك قارون والرتب=ومن ملك كسرى انته الحب والحبيب
صديقآ صدوقن دائمن تسحب الغضب=تسلي على قلبي متى ماقده تعيب
معك في محيط الحب والشوق والادب=معك في شواطي تسعد العاشق الغريب
نطرز حروف الشعر بالماس والذهب=وحبرك من الغزلان يابركلي حليب
جزر غرسها التفاح والليم والعنب=ابد ما يصلع راس فيها والى يشيب
بها مركب العشاق والدف والطرب=وفيها القمر يجري بفلكه ومايغيب
وذا غاب لحضه كز بالنور وارتقب=ليال الطرب والانس يا هاجري تطيب
نسيت الرساله وانتسى العقل ما كتب=نسيت الهواء والشوق والنسي ما يعيب
كذب من يقول الشعر خبره ومكتسب=بل الشعر منبع داخل الروح يستجيب
تمركز في الصمام والجوف والعصب=وداخل عضامي والشرايين له نصيب
اخذ بندقي والسيف والدرع والسلب=وكراستي واعطاني الليز الرهيب
كتب في خلايا الجسم ياناس ما كتب=وباللؤل والياقوت والماس والصليب
فشكرك من الاعماق ياهاجسي وجب=ويا خير عالم تجمع الجرح بالطبيب
تراقب بحور الشعر والموج عن كثب=وتمطر من القيفان بالوادي الخصيب
بلادارك البحري تفرج على الحقب=ويطلع جبل شمسان في شاشتك قريب
من اعلى جبال العود ذي عانقه شخب=بتستكشف الاهداف ذي كشفها صعيب
بيطلع جبل مران والبقع والعلب=وتطلع معي عمان في ساعة المغيب
ولو نرفع المقياس توضح لنا حلب=وباريس وامريكاءوللصين يستجيب
اذا البحر مالح هاجسي يخرجه عذب=وباحلله للشعب واهديه بالقصيب
وعندي حليله فاقة الوصف والنسب=من ارقى طباق الجان ذي عزمهم مهيب
قد املكت فيها بعد الاعجاب والصحب=وابوها يقلي وانعم الصهر والنسيب
لك الشكر والتقدير يا بيرق الادب=ومبروك لك يا بنت بالشاعر الاديب
رغبنا بصقر العود من وقت ماخطب=وانا واهل بيتي جند خدام اخو اديب
ونختم صلاة الله ما ماطره سكب=على المصطفى صليت واكفيت يا مجيب