ابي السموحة وادري بحقك اخطيت00ادري جرحتك يا الغلا سامحيني


/
جاهل غرام وبالجهالة تماديت00غايب شعور وغايب الحب فيني


\
غشيم ما عمري على الحب مريت00توي غرير بالهوى فاعذريني


/
في غيبتك من جافي البعد عانيت00خدي تجرح والسبب دمع عيني


\
غبتي وانا في جمرة النار حسيت00حسيت حزني والاسى محتويني


/
ابكي غيابك كل ما اصبحت وامسيت00همي سكن ما بين روحي وبيني


\
هذا الذي في نفسي اليوم سويت00ضيعت انا محبوبتي من يديني


/
اما تجين واضوي القلب والبيت00ولا تعالي طالبك واقتليني


\
مسموحة بدمي وانا اللي تجنيت00واذا انشدوا قولي باوفيه ديني


/
لا صرت جثة في يديك وتراخيت00ضمي لصدرك جثتي واحضنيني


\
الله وجب في شرعنا نغسل الميت00ابي بدمعك يا غلا تغسليني


/
لا صرت في وسط الكفن واستقريت00تكفين في داخل حشاك ادفنيني